<p>എറണാകുളത്ത് നടന്ന മൂന്നാം വിക്കിസംഗമത്തൊട് അനുബന്ധിച്ച് നമ്മൾ 
വിക്കിയെ കുറിച്ച് സാധാരണ ഉയർന്ന് വരാറുള്ള ചൊദ്യങ്ങൾ ഉൾക്കൊള്ളിച്ച് പതിവ്
 ചൊദ്യങ്ങൾ എന്ന പുസ്ത്കം ഇറക്കിയിരുന്നല്ലോ. അതിന്റെ <a href="http://upload.wikimedia.org/wikipedia/ml/1/10/MalayalamWiki_FAQ_2010_April_17.pdf" class="external text" rel="nofollow">പി.ഡി.എഫ്. ഇവിടുണ്ടു്</a>. പുതുതായി വിക്കിയെകുറിച്ച് അറിയാൻ വരുന്നവർക്ക്  ഈ പുസ്ത്കം വളരെ പ്രയോജനം ആകുന്നു എന്ന് പലരുടേയും പ്രതികരണത്തിൽ നിന്ന് മനസ്സിലാക്കാം. പക്ഷെ എറണാകുളം സംഗമത്തിനു് വേണ്ടി വളരെ പെട്ടെന്ന് കുറഞ്ഞ കാലയളവിൽ ചെയ്തതിനാലുള്ള പല കുറവുകളും ആ പുസ്ത്കത്തിലുണ്ട്. അതിനാൽ ആ പുസ്തകം പുതുക്കാൻ ആലോചിക്കുന്നു. <br>
</p><p> </p><p>പഠനശിബിരങ്ങൾ ഒക്കെ നടത്തിയ പരിചയത്തിൽ നിന്ന് ആളുകൾ ചോദിക്കാൻ സാദ്ധ്യതയുള്ള കൂടുതൽ ചൊദ്യങ്ങൾ നമുക്കറിയാം .
 അതിനായി നിലവിലുള്ള പതിപ്പിൽ ഇല്ലാത്തതും, എന്നാൽ ആളുകൾ സാധാരണായി 
ചൊദിക്കുന്ന ചൊദ്യങ്ങൾ <a href="http://ml.wikipedia.org/wiki/%E0%B4%B5%E0%B4%BF%E0%B4%95%E0%B5%8D%E0%B4%95%E0%B4%BF%E0%B4%AA%E0%B5%80%E0%B4%A1%E0%B4%BF%E0%B4%AF_%E0%B4%B8%E0%B4%82%E0%B4%B5%E0%B4%BE%E0%B4%A6%E0%B4%82:%E0%B4%AA%E0%B4%A4%E0%B4%BF%E0%B4%B5%E0%B5%8D_%E0%B4%9A%E0%B5%8B%E0%B4%A6%E0%B5%8D%E0%B4%AF%E0%B4%99%E0%B5%8D%E0%B4%99%E0%B5%BE#%E0%B4%AA%E0%B4%A4%E0%B4%BF%E0%B4%B5%E0%B5%8D%20%E0%B4%9A%E0%B5%8B%E0%B4%A6%E0%B5%8D%E0%B4%AF%E0%B4%99%E0%B5%8D%E0%B4%99%E0%B5%BE%20%E0%B4%AA%E0%B5%81%E0%B4%B8%E0%B5%8D%E0%B4%A4%E0%B4%95%E0%B4%A4%E0%B5%8D%E0%B4%A4%E0%B4%BF%E0%B4%A8%E0%B5%8D%E0%B4%B1%E0%B5%86%20%E0%B4%B0%E0%B4%A3%E0%B5%8D%E0%B4%9F%E0%B4%BE%E0%B4%82%20%E0%B4%AA%E0%B4%A4%E0%B4%BF%E0%B4%AA%E0%B5%8D%E0%B4%AA%E0%B5%8D">വിക്കിയിൽ ചേർക്കാൻ  </a>താല്പര്യപ്പെടുന്നു. വിക്കിയിൽ ചെർക്കാൻ അറിയാത്തവർ എനിക്ക് ഒരു മെയിലയച്ചാലും (<a href="mailto:shijualexonline@gmail.com">shijualexonline@gmail.com</a>) മതി. ഞാൻ അത് വിക്കിയിൽ ചേർക്കാം. നിങ്ങൾക്ക് വിക്കിയെക്കുറിച്ചുള്ള എന്ത് സം‌ശയവും ഇതിന്റെ ഭാഗമായി ചോദിക്കാം.<br>
</p>
<p>നിലവിലെ പതിപ്പിൽ ഉൾക്കൊള്ളിച്ചിട്ടുള്ള ചോദ്യങ്ങൾ താഴെ പറയുന്നവ ആണു്.</p>
<ol><li>എന്താണു് വിക്കി?</li><li>എന്താണു് വിക്കിപീഡിയ?</li><li>വിക്കിയും വിക്കിപീഡിയയും ഒന്നാണോ?</li><li>വിക്കിപീഡിയയുടെ ലഘു ചരിത്രം തരാമോ?</li><li>ഏതൊക്കെ ഭാഷകളിൽ വിക്കിപീഡിയ ഉണ്ടു്? മലയാളത്തിൽ വിക്കിപീഡിയ ഉണ്ടോ?</li><li>
ആരാണു് മലയാളം വിക്കിപീഡിയയിൽ ലേഖനം എഴുതുന്നതു്?</li><li>ഇതൊരു സർക്കാർ പദ്ധതി ആണോ? ഇതിൽ‌ സർക്കാറിന്റെ പങ്കെന്താണ്?</li><li>വിക്കിപീഡിയയിൽ ലേഖനം എഴുതുന്നതിനു് എഴുതേണ്ട വിഷയത്തിൽ നല്ല അറിവു് വേണ്ടേ? അതില്ലാത്ത ഞാൻ എങ്ങനെ വിക്കിപീഡിയയിൽ സംഭാവന ചെയ്യും?</li>
<li>ഞാൻ എന്തിനു് വിക്കിപീഡിയയിൽ ലേഖനം എഴുതണം? വിക്കിപീഡിയയിൽ ലേഖനം എഴുതിയാൽ എനിക്കെന്താ പ്രയോജനം?</li><li>മലയാളം വിക്കിസംരംഭങ്ങളുടെ പ്രസക്തി എന്തു്?</li><li>മലയാളം വിക്കിപീഡിയയുടെ ലഘു ചരിത്രം തരാമോ?</li><li>മറ്റു് ഇന്ത്യൻ ഭാഷാ വിക്കിപീഡിയകളുമായി താരതമ്യം ചെയ്യുമ്പോൾ മലയാളം വിക്കിപീഡിയയുടെ പ്രത്യേകതകൾ എന്തൊക്കെയാണു്?</li>
<li>എനിക്കു് മലയാളം വിക്കിപീഡിയയിൽ എഴുതണമെന്നുണ്ടു്. പക്ഷേ മലയാളം ടൈപ്പിംഗ് അറിയില്ല. ഞാനെന്തു് ചെയ്യും?</li><li>എനിക്കു് ഇംഗ്ലീഷ് നന്നായി അറിയാം. ഇന്റർനെറ്റും നന്നായി ഉപയോഗിക്കാൻ 
അറിയാം. എനിക്കു് ആവശ്യമുള്ള കാര്യങ്ങൾ ഇംഗ്ലീഷ് വിക്കിപീഡിയയിൽ നിന്നു് 
ലഭിക്കുന്നുണ്ടു്. സംഭാവന ചെയ്യാൻ ഉദ്ദേശമുണ്ടെങ്കിൽ ഞാൻ ഇംഗ്ലീഷിൽ 
വിക്കിപീഡിയയിൽ ചെയ്താൽ പോരേ? ഞാനെന്തിനു് മലയാളം വിക്കിസംരംഭങ്ങളിൽ സംഭാവന
 ചെയ്യണം?</li><li>എനിക്കുള്ള അറിവു് ഞാൻ വളരെ പണം ചിലവഴിച്ചു് നേടിയതാണു്. മലയാളം 
വിക്കികളിൽ കൂടെ ഞാൻ അതൊക്കെ പങ്കു് വെച്ചാൽ എനിക്കെന്തെങ്കിലും 
സാമ്പത്തികമായ ലാഭം കിട്ടുമോ?</li><li>വിക്കിപീഡിയ പോലുള്ള വൈജ്ഞാനികസംഭരണസംരംഭങ്ങളിൽ പ്രവർത്തിക്കാൻ 
എനിക്കു് താല്പര്യമില്ല. പക്ഷെ എനിക്കുള്ള അറിവു് വേറെ ഏതെങ്കിലും വിധത്തിൽ
 സ്വതന്ത്ര സമൂഹവുമായി ബന്ധപ്പെട്ടു് പ്രവർത്തിച്ചു് വിനിയോഗിക്കുവാൻ 
ആഗ്രഹിക്കുന്നു. ഞാനെന്തു് ചെയ്യണം?</li><li>വിക്കിപീഡിയയിൽ എന്തൊക്കെ എഴുതാം‌, എന്തൊക്കെ എഴുതരുതു് എന്നതിനെക്കുറിച്ച്‌ നിബന്ധനകൾ വല്ലതും‌‌ ഉണ്ടോ?</li><li>ഞാനെഴുതിത്തുടങ്ങിയ ഒരു ലേഖനം എന്റെ അറിവോ സമ്മതോ കൂടാതെ മറ്റുപലരും 
തിരുത്തുന്നു. ഇതെന്തുകൊണ്ടാണ്? മലയാളം വിക്കിപീഡിയയിൽ ഞാൻ തുടങ്ങിവെച്ച 
ലേഖനം എന്റെ സ്വന്തമല്ലേ?</li><li>വിക്കിപീഡിയയിൽ ലേഖനങ്ങൾ നിരന്തരം തിരുത്തപ്പെടുകയാണെങ്കിൽ അവയുടെ ആധികാരികത ഉറപ്പുവരുത്തുന്നതെങ്ങനെയാണു്?</li><li>ഞാനെഴുതിയ ഒരു ലേഖനത്തിൽ മറ്റാരെങ്കിലും ആധികാരികമല്ലാത്ത വിവരങ്ങൾ കുത്തിനിറച്ചാൽ അതെങ്ങനെ മനസ്സിലാക്കാം? ഒഴിവാക്കാം?</li>
<li>ആർക്കും തിരുത്താവുന്ന വിക്കിപീഡിയയിലെ ലേഖനങ്ങളുടെ ഗുണങ്ങളും കോട്ടങ്ങളും വിവരിക്കാമോ?</li><li>വിക്കിപീഡിയ ലേഖനങ്ങൾ എത്രത്തോളം ആധികാരികമാണു്?</li><li>വിക്കിപീഡിയയിൽ ഞാൻ വസ്തുതാ പരമായ ചില തെറ്റുകൾ കണ്ടു. ഞാൻ ഇതിനെ പറ്റി
 ഒരു ലേഖനം പ്രസിദ്ധീകരിക്കാൻ ഉദ്ദേശിക്കുന്നു. ഇതിനെ കുറിച്ചു് 
വിക്കിപീഡിയർ എന്തു് പറയുന്നു?</li><li>വിക്കിപീഡിയക്കു് പുറമേയുള്ള വിക്കി സംരംഭങ്ങൾ ഏതൊക്കെയാണു്?</li><li>ഏതൊക്കെ മലയാളം വിക്കിസംരംഭങ്ങളാണു് നിലവിൽ സജീവമായിരിക്കുന്നതു്?</li></ol><br>