<html>
<head>
<meta content="text/html; charset=UTF-8" http-equiv="Content-Type">
</head>
<body bgcolor="#FFFFFF" text="#000000">
ВикиПроект е проект кој се одвива на страниците на Википедија и има
за цел да ја подобри покриеноста со статии на определена тема или
група на теми каде членовите/уредувачите работат тимски во
остварување на целите, т.е. подобрување на содржините. Уредувачите
се фокусираат на создавање и подобрување на вики-страници поврзани
со темата на проектот, пример на тема - историја, археологија,
математика и сл. или пак се фокусираат на некоја специјална задача,
пример - илустрирање на статиите со фотографии, категоризација на
статиите, изработка на векторски карти кои како подлога користат
бит-мапирани карти и сл.<br>
<br>
Секој ВикиПроект си има своја страница на Википедија. Овие страници
не се место каде директно се пишуваат енциклопедиски статии, туку
ресурс кој помага при координацијата и организацијата за пишување и
уредување на статии кои се во фокусот на интерес. На страницата на
вики-проектот најчесто се дефинираат препораки за уредувачите,
следење на развојот на статиите од интерес на групата како и водење
на список на алатки и шаблони кои се употребуваат. Страницата за
разговор на вики-проектот претставува форум за учесниците во тој
проект каде се разговара за остварување на проектните цели, се
даваат одговори на прашања поврзани со проектот, препораки до
заинтересираните учесници и сл.<br>
<br>
Формирање на проектна страница на Википедија ќе ги интересира
претставниците на оние училишта кои сеуште не ја формирале во текот
на минатата учебна година.<br>
<br>
Секое училиште на википедија треба да започне свој вики-проект. Оние
училишта кои сеуште не формирале вики-секција во своето училиште
може да ги следат следниве чекори:<br>
<br>
<b>Чекор 1 </b><br>
<br>
Училиштето си формира своја страница за вики-проект на Википедија.<br>
<br>
Пример за ВикиПроект по кој може но не мора да се раководиме е
википроектот
<a href="http://mk.wikipedia.org/wiki/PPGP">
http://mk.wikipedia.org/wiki/PPGP</a> на СОУ „Ѓорче Петров“ -
Прилеп, училишната вики-секција на ова училиште минатата учебна
година беше избрана за најактивна училишна вики-секција.<br>
<br>
<b> Чекор 2 </b><br>
<br>
Повеќето ученици веќе се запознати со тоа што нуди википедија и како
таа функционира. Некои од нив можеби и пробале да уредуваат на
википедија. <br>
<br>
Поттикнете ги учениците секој индивидуално:<br>
<br>
* да избере една или повеќе одредници за кои веќе има создадена
статија на википедија. <br>
* да избере една или повеќе одредници за кои сеуште нема создадена
статија на википедија. <br>
<br>
Идеално би било доколку одредниците се во доменот на вашите наставни
предмети, Историја, Биологија, Хемија, Физика, Географија, ....<br>
<br>
<b>Чекор 3 </b><br>
<br>
Формирајте група ученици која ќе брои од 5-20 члена.<br>
<br>
Секој ученик во групата нека отвори сопствена корисничка сметка на
Википедија.<br>
<br>
Доколку има значително голем број заинтересирани ученици тогаш
формирајте повеќе помали групи.<br>
<br>
<b>Чекор 4</b><br>
<br>
На страницата на вашиот вики-проект направете два списока, едниот за
статии кои постојат а другиот за статии кои сеуште не се напишани на
Википедија. Секој ученик покрај своето корисничко нека ги запише
избраните одредници, вметнати во аглести загради. <br>
<br>
Пример: <br>
# abc_user_name: [[Географија]], [[Река]]<br>
# xyz_user_name: [[Скопје]], [[Битола]], [[Занзибар]], <br>
<br>
Обидете се да вклучите што е можно повеќе ученици во создавањето на
овие списоци. Секој ученик нека уредува со својата корисничка
сметка.<br>
<br>
<b>Чекор 5</b><b><br>
</b><b> </b><br>
Одредниците за кои постојат статии на Википедија, групата нека се
обиде да ги надополни со нови податоци, користејќи се со
дополнителна литература или пак со увид во соодветната статија на
другите јазични изданија на википедија.<br>
<br>
<b>Чекор 6</b><br>
<br>
Одредниците за кои не постојат статии на википедија, групата нека се
обиде да ги создаде, почитувајќи ги основните правила на Википедија.<br>
<br>
Сите членови на училишниот вики-проект пожелно е да соработуваат
меѓусебно во подобрувањето на содржините на википедија а по можност
и во вики-проектите на другите училишта.<br>
<br>
<b>Чекор 7</b><br>
<br>
На крајот од секој месец, од списокот на новосоздадени статии во
рамките на училишниот вики-проект, дискутирајте со учениците од
групата за тоа која статија е најдобра и зошто е најдобра. Најдете
кој ученик дал најголем придонес во уредувањето на статиите, ученик
кој најмногу соработувал со останатите во групата и ученик кој
успеал да оствари соработка со други уредувачи на википедија надвор
од неговата група. Овие ученици поттикнете ги пред другите да ги
изнесат своите позитивни и негативни искуства при уредувањето на
Википедија. <br>
<br>
<b>Чекор 8<br>
<br>
</b>Документирајте работата на викисекцијата со водење на кратки
белешки и со подигнување на фотографии од секој состанок на
вики-секцијата. Оваа документација во голема мера ќе ви помогне при
изборот на најдобрите ученици и статии на крајот од учебната година.<br>
<br>
Имајте предвид дека во уредувањето на статиите и изборот на најдобри
статии кои се во доменот на работата на училишната вики-секција може
да учествуваат и други википедијанци, кои не се ваши членови.
Гледајте позитивно на овие вклучувања и поттикнувајте ги вашите
ученици на сличен начин да соработуваат со останатите уредувачи на
википедија. <br>
<br>
===================<br>
Ако имате било какви прашања слободно пишете порака на оваа мејлинг
листа.<br>
<br>
Поздрав,<br>
<pre class="moz-signature" cols="72">--
Dimce Grozdanoski
+389 71 228 765
<a class="moz-txt-link-freetext" href="https://twitter.com/grozdanoski">https://twitter.com/grozdanoski</a></pre>
</body>
</html>